2026 жылғы 27 наурызда Қарағанды «Bolashaq» жоғарғы колледжі Қарағанды облысының Білім беруді дамытудың оқу-әдістемелік орталығымен бірлесіп техникалық және кәсіптік, орта білімнен кейінгі білім беру (ТжКББ) ұйымдарының педагогтері арасында облыстық «Үздік физика оқытушысы» байқауын өткізді.
Мақсаты: озық педагогикалық тәжірибені анықтау және тарату, ТжКББ жүйесі оқытушыларының кәсіби шеберлігін дамыту, педагогикалық қызметтің үздік үлгілерін тәжірибеге енгізу арқылы білім сапасын арттыру.
Байқау үш кезең бойынша өткізілді:
I кезең – іріктеу кезеңі (тестілеу түрінде);
II кезең – «Физика сабақтарында жасанды интеллектті тиімді қолдану», мұнда қатысушылар физиканы оқытуда жасанды интеллект құралдарын қолдану тәжірибесін ұсынды;
III кезең – «Білім беру контентінің дизайнері» – сабақтың әртүрлі кезеңдерінде нақты білім беру міндеттерін жүзеге асыруға арналған дидактикалық материалдардың таныстырылымы.
Жеңімпаздар:
1-орын – Жақыпова Ажар Жомартовна, Қарағанды жоғары политехникалық колледжі;
2-орын – Жақыпова Мөлдір Серікқызы, Қарағанды тамақтану және сервис колледжі;
3-орын – Шибитова Татьяна Леонидовна, А. Құнанбаев атындағы Саран жоғары гуманитарлық-техникалық колледжі.
Жеңімпаздар Қарағанды облысының Білім беруді дамытудың оқу-әдістемелік орталығының дипломдарымен марапатталды.
Байқауды ұйымдастыруға жауапты – Қарағанды «Bolashaq» жоғарғы колледжінің ЖББ пәндері кафедрасының меңгерушісі Табаракова А.Т..