2025 жылдың 31 қаңтарында «Қарағанды облысында білім беруді дамытудың оқу-әдістемелік орталығы» КМҚК басшылығымен Қарағанды «Bolashaq» жоғарғы колледжі» ЖММ ұйымдастыруымен техникалық және кәсіптік, орта білімнен кейінгі білім беру ұйымдарының педагогтері арасында үшінші мәрте «Қазақ тілі мен әдебиеті пәнінің үздік оқытушысы» облыстық байқауы өтті.
Мақсаты: ұлттық құндылыққа негізделген тәрбие мен білім негізінде мемлекеттік тіл саясатын насихаттау, қазақ тілі мен әдебиеті пәні оқытушыларының инновациялық оқыту тәжірибесін анықтау, үздік педагогикалық идеяларын тарату, қазақ тілін үйрету ісінің сапасын арттыру.
Байқау 3 модуль бойынша жүзеге асты:
І модуль: «Таратуға лайықты идеялар», «Q Talks» форматы арқылы педагогикалық идеямен бөлісу.
ІІ модуль: «Үздік панорамалық сабақ»
ІІІ модуль: «Үздік әдістемелік қоржын»Байқауға облыс колледждерінен қазақ тілі мен әдебиеті пәнінің
9 оқытушысы қатысты.
Қатысушылар өздерінің тың идеялары, озық тәжірибелерімен бөлісті. Жаңашыл, креативті ойларын саралап, әдістемелік қоржындарындағы еңбектерін ұсынды.
Байқау қорытындысы тәуелсіз қазылар алқасы шешімімен айқындалып, жеңімпаздар анықталды:
1 орын – Касимова Алия Жұмажановна, «Қарағанды жоғары гуманитарлық колледжі» КМҚК, қазақ тілі мен әдебиеті пәнінің оқытушысы
2 орын – Иманбеков Қайрат Берикболулы, «Қарағанды «Bolashaq» жоғарғы колледжі» ЖММ, қазақ тілі мен әдебиеті пәнінің оқытушысы
3 орын – Даурбекова Асемгуль Ибракимовна, «Қарағанды тамақтандыру және сервис колледжі» КМҚК, қазақ тілі мен әдебиеті пәні оқытушысы
3 орын – Таласпаева Нұргүл Ермековна, Қарағанды жоғары политехникалық колледжі КМҚК;қазақ тілі мен әдебиеті пәні оқытушысы
3 орын – Баймамырова Аяулым Мейрамовна, «Ә.Сағынов атындағы Қарағанды техникалық университетінің Инновациялық технологиялар колледжі» КМҚК.
Өнер мен өмірді сабақтастырып, өрелі білім беріп, өскелең ұрпақты өрге жүздіруге ниетті ұстаздардың бұл байқаудан алары мол. Сондықтан, дәстүрлі іс-шара алдағы уақытта да жалғасын таба бермек.
Техникалық және кәсіптік, орта білімнен кейінгі білім беру ұйымдарының педагогтері арасындағы «Қазақ тілі мен әдебиеті пәнінің үздік оқытушысы» облыстық байқауы
