Ұлттық ойындар турнирі өтті

«Біртұтас тәрбие» бағдарламасының «Ұлттық ойын – ұлт қазынасы» жобасын жүзеге асыру аясында Қарағанды «Bolashaq» жоғарғы колледжінде 2024 жылдың 9-10 қазан күндерінде «Ұлттық ойындар» турнирі өтті. Колледждің «Жігер» студенттік парламентінің спорт және салауатты өмір салты фракциясының депутаты, ФК-23-2 тобының студенті Бандоренко Милана колледждің дене шынықтыру пәнінің оқытушылары Әкім Айбек Әкімжанұлы мен Сүлеймен Айдарбек Елубайұлының жетекшілігімен ұйымдастырды. Турнирге колледждің 1-2 курс студенттері қатыстырылды. Студенттер арасында ұлттық спорттық ойындарды насихаттау мақсатындағы турнир барысында студенттер тоғызқұмалақ, аударыспақ, арқан тартыс, асық ату, қол күрес секілді ұлттық ойындардан күш сынасты. Ойынға қатысушылар ұлттық ойынға деген қызығушылықтарын көрсетіп, турнир өте тартысты өтті. Нәтижесінде әр ойын түрлерінің жеңімпаздары марапатталды.