«THE WORLD OF LANGUAGES» VII ОБЛЫСТЫҚ БАЙҚАУЫ

«THE WORLD OF LANGUAGES» VII ОБЛЫСТЫҚ БАЙҚАУЫ 2024 жылдың 25 қыркүйегінде үш тілде білім беру апталығы аясында «The world of languages» VII облыстық байқауы өтті. Шараны тілдер және әдебиеті кафедрасының оқытушылары Надирова А.А., Совет М.К., Рем В.В., Зейнетулла Г. Е., Мажитова А. Н., Азбаева С.Т., Бәкібай Т.Б. ұйымдастырды.

Байқауға облыс колледждерінен тілдік емес мамандықтардың 36 студенті қатысты.

Байқау үш кезеңде өткізілді:

- 1 кезең– Үш тілде тестілеу.

Қатысушылар үш тілде(қазақ, орыс, ағылшын) тестілеуден өтті.

- 2 кезең - Тыңдалым тесті. Қатысушылар ағылшын тілінде аудиожазбаны тыңдап, үш тілде (орыс, қазақ, ағылшын) 20 сұрақтан тұратын тест тапсырмасын орындады.

- 3-кезең – Викторина – «Үздік спикер» үш тілде (қазақ, орыс, ағылшын) сұрақтардан тұрады. Тақырыптары: мерекелер, ұлы есімдер, көрікті жерлер;

Байқау кезеңдерінің қорытындысы бойынша жеңімпаздар анықталды:

1-орын - Усенов Елдар Дарханович, студент «Қарағанды жоғары политехникалық колледжі» КМҚК

2-орын – Жангазбаев Нурислам Сакенович, студент «Қарағанды теміржол колледжі» КМҚК
2-орын – Тоқыш Аиша Ерболатқызы, студент «Қазтұтынуодағы Қарағанды университетінің экономика, бизнес және заң колледжі» ЖММ

3-орын – Кентай Ақнұр Нұрланқызы, студент «Қазақмыс» корпорациясының политехникалық колледжі» ЖММ
3-орын – Жаппарханов Нұрмұхаммед Қайратұлы, студент «Б.Әбдікәрімов атындағы Нұра көпсалалы колледжі» КМҚК
3-орын – Алиева Диана, студент «Шет тілдер колледжі» ЖММ

Байқау жеңімпаздары дипломдармен марапатталып, барлық қатысушыларға сертификаттар табысталды.