Әкелер мектебі шарасы өтті

2025 жылғы 18 желтоқсан күні Қарағанды “Bolashaq” жоғарғы колледжінде «Адал азамат» біртұтас тәрбие бағдарламасының «Ата-аналар мектебі» жобасын жүзеге асыру мақсатында «Бір әкенің тәрбиесін жүз мектеп те бере алмайды» атты танымдық кездесу өтті. Кездесуде ән, сурет және қол өнерінде, педагогикалық қызметте, спортта жетістікке жеткен колледждің әкелер қауымының өкілдері - «Құқықтану» мамандығының Қ-25-1 тобының студенті Мақсұтбеков Дидардың әкесі, дәстүрлі әннің дүлддүлі, атақты дәстүрлі әнші Әркенов Дәуренбек Мақсұтбекұлы, «Дене мәдениеті және спорт» мамандығының ДМ-25-3 тобының студенті Абдирова Аминаның әкесі, оқытушы, әнші Абдиров Жұмагелді Даулетбекович, «Мектепке дейінгі тәрбие және оқыту» мамандығының М-25-1 тобының студенті Манатқызы Жазираның ағасы, дзюдодан спорт шебері Абдишев Тілеген, «Қазақ тілі мен әдебиеті мұғалімі» мамандығының ҚӘ-22-1 тобының студенті Хайрден Көлсіннің әкесі, ағаш шебері Мұратбеков Кенжебек Хайрденұлы, «Дене тәрбиесі жаттықтырушысы» мамандығының ДМЖ-24-1 тобының студенті Қуатбек Гулназдың әкесі, дзюдодан спорт шебері Алибаев Дамир Куатович - қатысып, отбасындағы әкенің рөлі туралы сөз қозғады, отбасы тәрбиесіндегі өз тәжірибелерімен бөлісті. Тағылым мен тәрбиесі мол, берері көп, әке мен бала арасына алтын көпір салар осындай іс-шаралар көп ұйымдастырылса, нұр үстіне нұр болар еді.