«WorldSkills Kazakhstan – 2025» байқауының жеңімпаздары мен қатысушыларын қарсы алды

Қарағанды «Bolashaq» жоғарғы колледжі Республикалық «WorldSkills Kazakhstan – 2025» байқауынан жеңімпаз атанған студенттеріміз бен қатысушы студенттерімізді ерекше ықыласпен қарсы алды. Колледж директоры Мамраева Гайни Баймағамбетқызы байқау қатысушылары мен олардың жетекшілерін үлкен жетістіктерімен құттықтап, ықылас гүлі мен сияпаттарын тарту етті. Жеңімпаз есімдерін тағы да бір мақтанышпен атап өтейік: “Отель ресепшионисі” құзіреттілігі бойынша “Шетел тілі мұғалімі” мамандығының 4-курс студенті Куралова Дильназ жүлделі 1-орын иеленсе,
“Мобильдік қосымшалар әзірлеу” құзіреттілігі бойынша колледждің 2024 жылғы түлегі Бейсен Алан жүлделі 2-орын иеленді. Жеңімпаздарымыздың бабын келтірген жетекшілері - колледж оқытушылары Манашева Майя Советхановна, Елибаева-Мухтар Айгерим Мырзабековна, Муканова Индира Ерлановна.
Осындай үлкен жетістікке жеткен жеңімпаздарымызды және олардың жетекшілерін шын жүректен құттықтаймыз!