Әлеуметтік серіктестермен біріккен шара өтті

2025 жылғы 27 наурызында Қарағанды «BOLASHAQ» жоғарғы колледжінің кітапханашылары колледждің әлеуметтік серіктесі, Ж.Бектұров атындағы облыстық жасөспірімдер кітапханасымен бірігіп, қазақ поэзиясының көрнекті ақыны, Халықаралық «Алаш» сыйлығының лауреаты, Абай атындағы Мемлекеттік сыйлығының иегері С. Ақсұңқарұлының туғанына 75 жас мерейтойына арналған «Поэзия-әлі әсем жамалында» атты поэзия сағатын өткізді. Мақсаты: Жасөспірімдерге ақынның өмірі мен шығармашылығын таныстыру, поэзиясының көркемдік ерекшелігін ұғындыру, әдебиетке деген сүйіспеншілікті арттыру. Шарада ақынның өмірі мен шығармашылығы туралы ақпарат беріліп, колледж студенттері Муктарбекова Аңсаған, Сапаш Дина, Рахымбаева Еркеназ, Ержан Аяна, Мейраш Мағжан, Серік Фатима «Мен ұлыған Көк бөрісі даланың», «Көңілім менің қараңғы», «Көк бөрі», «Қазақ», «Патша-көңіл», «Кардиограмма», «Дауыс» т.б. С. Ақсұңқарұлының өлеңдерін оқыса, Кенжебай Еламан ақынға өзінің арнауын арнады. Ақынның «Шайтанкөл» әнін Қасымханов Айбектің орындауы шараның сәнін келтірді. Шара соңында кітап көрмесіне шолу жасалды.