Құрметті Ұстаздар қауымы!

Құрметті Ұстаздар қауымы!
Баршаңызды Қарағанды «Bolashaq» жоғарғы колледжі ұлылықтың ұйытқысы Ұстаздар күні мерекесімен шын жүректен құттықтайды. Халқымыздың ұлы батыры Бауыржан Момышұлы «Ұстаздық — ұлық емес, ұлы қызмет. Себебі ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді… Өмірге ұрпақ берген аналарды қандай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз”,- деген. Осы сөзде ұстазға деген бар құрмет жатыр. Ендеше өз ісіне берілген, жаңалықты жатсынбай қабылдайтын, шәкіртінің жанына нұр құйып, өмірге өзі де бақытты болып, өзгелерді де бақытқа жеткізсем деп жүретін ұстаздарды төл мерекелерімен құттықтаймыз. Ел болашағын тәрбиелеудегі ұлы жолдарыңызда баршаңызға қажымас қайрат, жасымас жігер тілейміз. Мереке құтты болсын!