Жұмысшы мамандықтар жылы қорытындыланды: біз үздіктер қатарындамыз!

2025 жыл - Жұмысшы мамандықтары жылы Қарағанды “Bolashaq” жоғарғы колледжі үшін өте жемісті жыл болды. Білім басқармасының ұйымдастыруымен 19 желтоқсан күні аталмыш жыл қорытындыланып, республикалық деңгейде облыс атын абыроймен қорғап, жеңімпаз атанған колледж студенттері мен оқытушылары марапатталды.
Атап айтар болсақ:
- республикалық «WorldSkills Kazakhstan – 2025» байқауының жеңімпаздары “Отель ресепшионисі” құзіреттілігі бойынша “Шетел тілі мұғалімі” мамандығының 4-курс студенті Куралова Дильназ жүлделі 1-орын иегері; жетекшісі, колледж оқытушысы Муканова Индира Ерлановна;
- “Мобильдік қосымшалар әзірлеу” құзіреттілігі бойынша колледждің 2024 жылғы түлегі Бейсен Алан жүлделі 2-орын иегері; жетекшілері, колледж оқытушылары Манашева Майя Советхановна, Елибаева-Мухтар Айгерим Мырзабековна;
- ⁠IT саласы бойынша республикалық кәсіби шеберлік байқауында “Кибер қауіпсіздік” құзіреті бойынша “Кәсіби шеберлігі” медальонымен марапатталған колледж директорының ақпараттық технологиялар ісі жөніндегі орынбасары Тусупбаев Абылайхан Тулегенович;
- ⁠республикалық “Үздік педагог - 2025” байқауының жеңімпазы колледж директорының тәрбие ісі жөніндегі орынбасары Кабылова Меруерт Блялкызы марапатталды. Марапатталушы студентіміз бен түлегімізді және оқытушыларды шын жүректен құттықтаймыз! Сіздер аянбай еткен еңбектеріңіздің арқасында республикалық байқауларда жоғары деңгейде жетістіктерге жетіп, облыс атын абыроймен қорғап келдіңіздер. Колледж Сіздермен мақтанады!