Колледж 25 жылдық мерейтойын атап өтті
Ағымдағы жылдың 31 наурызы күні қаламыздың Кеншілер мәдениет сарайында Қарағанды «Bolashaq» жоғарғы колледжінің дәстүрлі «BOLASHAQ JULDYZDARY» фестивалі өтті. Фестиваль колледждің 25 жылдық мерейтойына орай ұйымдастырылды. Осымен 11 мәрте ұйымдастырылып отырған фестивальде колледж тарихына шолу жасалып, оқу орнының іргетасы қаланғаннан бастап қызмет етіп келе жатқан ұстаздар есімдері аталып, құрмет көрсетілді. Шараның құрметті қонақтары әлеуметтік серіктес, «Болашақ» академиясының ректоры, философия ғылымдарының докторы Аданов Қ.Б., ҚР Президентінің жанындағы мемлекеттік басқару академиясының Қарағанды облысы бойынша филиалының директоры, колледж түлегі Байбосынов С.Б. және колледждің әлеуметтік серіктестері өз құттықтауларын жолдады. Сондай-ақ, облысымызға танымал әнші-өнерпаздар Гүлдана Макшонова, Саят Тұяқбаев мен Гүлшат Сейтмукашева колледж мерейтойына әннен шашу шашса, колледж түлектері мен студенттері жайдарман ойындарын қойып, би билеп, көрермендерге мерекелік көңіл-күй сыйлады.
Толығырақ