Туған күніңмен, сүйікті колледжім!

31 наурыз – Қарағанды «Bolashaq» жоғарғы колледжінің туған күні. 2000 жылдың дәл осы күні колледж өз іргетасын қалаған еді. Бүгінде оқу орны облысымыздағы алдыңғы қатарлы білім ордаларының біріне айналды. Биыл колледжіміз 25 жасқа толып отыр. 25 жыл тарих үшін қас қағым сәт болғанымен, колледж үшін 25 жыл қойнауында шығармашылық жұмыс, жоғары ұмтылыстар, үлкен күш-жігер және даму жолындағы қиындықтар, «жоғарғы» колледж атауы мен абырой биігіне жетудегі білгір басшы мен білікті оқытушылардың жылдар бойы аянбай төккен жанкешті еңбегі жатыр. Осы жылдар ішінде оқу орны 10014 түлек түлетіп, Қазақстан Республикасының игілігі үшін жемісті еңбек атқарып, өндірістің, білім берудің, қоғамдық өмірдің әр түрлі салалары үшін кәсіби білікті мамандарды дайындады. Ширек ғасырға толып отырған колледжіміздің басшысы мен ұжымын мерейтоймен құттықтап, жас ұрпақты білім нәрімен сусындатар жолда абыройларыңыз асқақ, беделдеріңіз биік болуын тілейміз. Алаш атағын аспандатар түлегің көп болсын! Туған күніңмен, сүйікті колледжім!