Орыс тілі мен әдебиеті мұғалімі

Орыс тілі мен әдебиеті пәнінің мұғалімі – орыс тілі мен әдебиетін оқытатын маман. Бұл мамандық - орыс тіл білімін жақсы көретіндерге, бейнелі ойлай алатындарға, өз білімімен бөлісуге дайын адамдарға арналған.

Орыс тілі мен әдебиеті мұғалімі балалармен орыс тілін меңгеру үшін жағдай жасауды қамтамасыз ететін ұйымдастырылған оқу қызметін жүргізеді. Балалардың бойында тұлғалық тілдік мәдениеттің қалыптасуына жағдай жасайды және олардың өзіндік ерекшеліктерін анықтай отырып, дамуына ықпал етеді. Оқытудың сан түрлі формасын, әдістерін, тәсілдері мен құралдарын сауатты пайдаланады, инновациялық технологияларды қолдана біледі. Жоспарлауда ғылыми-әдістемелік тәсілдемені жүзеге асырады, дамытпалы оқытуға бағытталған сабақтардың бағдарламалық материалын жетілдіріп, түзете алады. Авторлық және альтернативті бағдарламаларды өздігінен әзірлей алады, аймақтық компонентті ескере отырып, әдістемелік құралдарды бейімдей алады. Компьютерлік сауаттылықты, ақпараттық-коммуникациялық құзыреттілікті меңгерген.

Әдістемелік бірлестіктердің қызметіне, білім беру ұйымдарындағы балаларға арналған іс-шараларды ұйымдастыруға және өткізуге белсенді атсалысады, әрдайым өзінің кәсіби құзыреттілігін арттырып отырады. Тәрбиеленушілердің ата-аналарымен өзара қарым-қатынаста болады. Ұйымдастырылған оқу қызметі барысында балалардың өмірі мен денсаулығын сақтауға жауапты болады.

Орыс тілі мен әдебиеті мұғалімінің орташа жалақысы 120 мың теңге шегінде, сондай-ақ еңбек өтіліне, жұмыс орны мен аймағына байланысты.

Осы біліктілік бойынша ойдағыдай білім алу және одан әрі жемісті жұмыс істеу үшін студент педагогиканы, психологияны, жас физиологиясын, мектеп гигиенасын, орыс тілі мен әдебиетін оқыту әдістемесін, бағдарламалар мен оқулықтарды, білім беруді дамытудың негізгі бағыттары мен перспективаларын білуі тиіс.

Біліктілік деңгейін арттыру үшін минималды тәжірибе – 3-5 жыл.

Мамандық мынадай қасиеттердің болуын болжайды: ұқыптылық, шығармашылық көзқарас, ұйымдастырушылық пен коммуникативтік қабілеттер, балаларға деген сүйіспеншілік, өзін-өзі ұйымдастыру, сондай-ақ шешендік қабілет, тілінің лексикалық байлығы, өзіндік ерекшелік.

Жас маман әлеуметтік, жас ерекшелігі, психофизикалық және өзіндік қасиеттерін, оның ішінде білім алушылардың ерекше білім қажеттіліктерін ескере отырып, оқыту, тәрбиелеу және дамыту жұмыстарын жүзеге асыру қабілетінде тәжірибесінің болмауы сияқты қиындықтарға тап болуы мүмкін.

Қазіргі таңда орыс тілі мен әдебиеті мұғалімі мамандығы мектептер мен көптеген жоғары оқу орындарында міндетті емтихандардың қатарында болғандықтан сұранысқа ие, шындығында жақсы маман оқушының толыққанды дайындығын қамтамасыз ете алады. Сонымен қатар, сауатты сөйлеу, дұрыс жазу және тіл меңгеру интеллекттің жоғары деңгейінің көрсеткіші болып табылады.